شعر زیبای مازندرانی که در رسای مادر سروده شده است.
شرق پرس: شعر زیبای مازندرانی در وصف مادر
ته دسه هیمه و رسن بورده
ته قد نشاء و خرمن بورده
اتا دم راحت دنیا نکردی
ته عمر صحرا بتتن بورده
***********
لالالالا خسه تن بلاره
شه مار بوی پیرن بلاره
***********
ته مه گره دایی توئه بلاره
ته شو مسه نشی خوئه بلاره
مسه لالا خوندسی تا صواحی
مسه داشتی آرزوئه بلاره
***********
لالا دل دارنه ارمونه بلاره
بی ته دنیا مه زندونه بلاره
***********
ته دوش مشته هیمه، من ته بلاره
ته دس پره پینه، من ته بلاره
یا نشاء کردی یا مال په دئی
ته سر ا تن خسه، من ته بلاره
***********
لالا چش مشته اسری بلاره
ته مه دنیای خشیه بلاره
***********
افتاب ته دل گوشه نوونه
بهار ته دسه ونوشه نوونه
اگه دنیای خشی مه بووشه
جان مار گرم کشه نوونه
**********
لالالالا شه غمخواره بلاره
اسا ونه تن نخاره بلاره
https://sharghpress.com/?p=24311
پارمیس..M
تاریخ : ۳۱ - فروردین - ۱۴۰۰
عالی بود